Limitet e njeanshme . Limitet | Matematika 12

Limitet e funksioneve i kemi trajtuar në klasën e 11-të.

Le të kemi një funksion të përcaktuar në $\displaystyle \left] a,b \right[$

Përkufizim 1: “Numri $l$ quhet limit i djathtë i funksionit f kur $x\to a$ , nëse $\displaystyle |f\left( x \right)-l|$ bëhet sat ë duam ne e vogël, me kusht që të shqyrtohen vlera të $\displaystyle x>a$ , mjaft afër a”.

Më saktë, numri $\displaystyle l$ quhet limit i djathtë i funksionit f kur $\displaystyle x\to a$ nëse sidoqoftë numri $\displaystyle \varepsilon >0$ , gjejmë një numër pozitiv r, të tillë që për $\displaystyle x\in \left] a,a+r \right[$ të kemi $\displaystyle |f\left( x \right)-l|<\varepsilon$ .

Shënohet $\displaystyle \underset{x\to {{a}^{+}}}{\mathop{\lim }}\,f\left( x \right)=l$ .

Le të kemi një funksion të përcaktuar në $\displaystyle \left] c,a \right[$ .

Përkufizim 2: “Numri $\displaystyle l$ quhet limit i majtë i funksionit f kur $\displaystyle x\to a$ , nëse diferenca $\displaystyle |f\left( x \right)-l|$ bëhet sat ë duam ne e vogël, nëse zgjidhen vlera të x<a, mjaft afër a”.

Më saktë, numri $\displaystyle l$ quhet limit i majtë funksionit f kur $\displaystyle x\to a$ nëse sidoqoftë numri $\displaystyle \varepsilon >0$ , gjejmë një numër pozitiv r, të tillë që për $\displaystyle x\in \left] a-r,a \right[$ të kemi $\displaystyle |f\left( x \right)-l|<\varepsilon$ .

Shënojmë $\displaystyle \underset{x\to {{a}^{-}}}{\mathop{\lim }}\,f\left( x \right)=l$ .

Ushtrimi 1

Gjeni limitet e njëanëshme të funksionit

Zgjidhje

Gjejmë limitin e djathtë të funksionit kur $\displaystyle x\to 1$ :

$\displaystyle \underset{x\to {{1}^{+}}}{\mathop{\lim }}\,{{x}^{2}}={{1}^{2}}=1$

Gjejmë limitin e majtë të funksionit kur $\displaystyle x\to 1$ :

$\displaystyle \underset{x\to {{1}^{-}}}{\mathop{\lim }}\,2x=2\cdot 1=2$ .

Në këtë rast kemi që limitet e njëanëshme kanë vlera të ndryshme.

Përkufizim 3: “Funksioni f ka limit $\displaystyle l$ kur $\displaystyle x\to a$ , atëherë dhe vetëm atëherë kur limitet e njëanëshme, kur $\displaystyle x\to a$ , ekzistojnë dhe janë të barabarta me l”.