Piramida është shumëfaqëshi që ka një faqe shumëkëndësh dhe faqet e tjera trekëndësh.

Figura më poshtë është piramidë me bazë pesëkëndësh.

1. Shumëkëndëshi ABCDE quhet bazë e piramidës.
2. Pika S quhet kulm i piramidës.
3. Trekëndëshat SAB, SBC, SCD, SDE, SEA janë faqet anësore të piramidës.
4. Piramida quhet e rregullt kur ka bazën shumëkëndësh të rregullt dhe faqet anësore trekëndësha dybrinjëshëm kongruentë.
5. Lartësitë që hiqen nga kulmi S i trekëndëshave quhen lartësi të trekëndëshave ose apotema e piramidës.

Për shembull:

SM – Apotemë.

Vizatimi i piramidës

• Në fillim ndërtojmë bazën e piramidës që mund të jetë trekëndësh, katërkëndësh etj.

Në këtë rast marim si bazë një trekëndësh.

Marim një pikë jashtë saj mbi të, për shembull e shënojmë S.

• Bashkojmë pikën S me të gjitha kulmet e bazës ABCDE

Hapja e piramidës

Marrim si shembull hapjen e piramidës pesëkëndëshe.

Ndërtimi i piramidës

Piramida ndërtohet njesoj si prizmi:

1. Vizatohet në fillim hapja e trupit piramidë.
2. Pritet sipas formës së hapjes.
3. Përthyhen sipas brinjëve të trekëndëshave anësore faqet anësore.
4. Bashkohet çdo bazë e faqes trekëndësh, me një brinjë që i përket tek baza e piramidës me ngjitës e letër dhe formohet piramida.

Sipërfaqja e piramidës

Piramida përbehet nga sipërfaqja anësore, që përbëhet nga shuma e sipërfaqeve të faqeve trekëndësha dhe sipërfaqja e bazës, e cila mund të jetë trekëndësh, katror, drejtkëndësh etj.

Vëllimin e piramidës do ta mësojmë në klasën e tetë